De Portella

[f. 37v] De Portella. |

[f. 38r] In Dei nomine. Ego Iohannes Martini de Cabana Maiore do uobis Iohanni abbati et conuentui de Fenalibus hereditatem meam quam habeo in Portella, uidelicet quartam et octauam unius casalis, pro remedio anime mee et pro roboratione recepi de uobis unum uas plenum de uino et intro in tale pactum et in tale locum pro familiare et pro uasallo beate Dei genitricis Marie. Et sciatis uere quod ego conparaui eam pro meis aureis de filiis Fernandi Petri. Do uobis atque concedo ipsam hereditatem per ubicumque melius potueritis inuenire. Si aliquis ex parte mea uel ab extranea uenerit qui hanc cartam uoluerit frangere, sit maledictus et excommunicatus et cum Iuda, traditore Domini, condempnatus et ipsam hereditatem pariat uobis dupplatam et insuper cui uocem uestram dederitis pectet D solidos, carta in suo robore manente. Facta carta donationis sub era Mª CCª LXXª VIIª, regnante rege Santio II° in Portugallia, tenente terram Martino Egidii, in Tuda episcopo Stephano, in Ual de Uice iudice Ruderico Olario.
Qui uiderunt et audierunt et presentes fuerunt: Dominicus prior de Fenalibus, Lupus Martini, Petrus Petri testes.
Munio Petri, Pelagius Conde confirmant.
Ordonius qui notuit (signum).