De Uilla Uerde

[f. 38v] In Dei nomine. Ego Rodericus Roderici fatio cartam donationis et perpetue firmitudinis de mea hereditate quam habeo in uilla que uocitant Uilla Uerde uobis abbati et conuentui de Fenalibus. Do uobis eam in testamento, uidelicet quantam ibi habeo cum montibus et fontibus et cum totis suis terminis modernis et antiquis et cum ingressibus et regressibus, excepto inde uessatam, ob remedium anime mee et pro remedio anime patris mei. Et in die sancti Michaelis dabo uobis in uita mea annuatim unam talegam panis et duas pixotas. Facta donatione sub era Mª CCª LXª, mense septiembris. Et si quis homo uenerit tam ex parte mea quam ab aliena qui istam donationem uoluerit frangere, sit maledictus et excommunicatus et a fede catholica separatus et insuper pariat uobis, uel cui uocem uestram dederitis, mille solidos. Regnante rege domno Alfonso in Portugalia, tenente terram Uallis Uice Laurentius Suariz, in Tudensi episcopo Stephano. Ego Rodericus Roderici, qui hanc cartam iussi facere, in concilio manus meas roboro coram bonis hominibus.
Qui uiderunt et audierunt: Petrus testis, Pelagius testis, Iohannes testes.
Laurentius Pelaiz qui notuit. Signum (signum) tabellionis.