De Ualde Uice

[f. 38v] In Dei nomine. Ego Andreas Iohannis uobis domno Iohanni abbati et conuentui de Fenalibus do et concedo quantum quinionem habeo ex parte matris mee in Ualle de Uice cum montibus et fontibus et uallibus et domibus et cum totis suis terminis modernis et antiquis et per ubi eam melior potueritis inuenire. Et insuper do uobis fideiussorem, uidelicet Iohannem Laurencii militem de Uoyn, et recepi de uobis proinde XV solidos pro precio et pro robora. Si quis ex parte mea uel ab extranea uenerit, uel uenero, | [f. 39r] qui hanc cartam infringere uoluerit, sit maledictus et excommunicatus et cum Iuda, Domini traditore, in inferno dampnatus et insuper pectet uobis, uel cui uocem uestram dederitis, D solidos; carta maneat in suo robore. Facta carta sub era Mª CCª LXXª VIIª, regnante rege donno Santio in Portugallia, tenente Uallem de Uice Martino Egidii, in Tudensi episcopo Stephano, maiorino Uincentio Menendi, iudice Ruderico Menendi. Ego Andreas Iohannis, qui hanc cartam fieri iussi, in concilio manus meas roboro.
Qui presentes fuerunt: Pelagius Roderici, Iohannes Laurencii testes.
Fernandus Michaelis, frater Martinus testes.
Ordonius qui notuit (signum).