De casali de Eires. De Eires

[f. 39r] De casali de Eires.

In Dei nomine. Ego Fernandus Menendi ob remedium anime mee uobis domno Iohanni abbati et conuentui de Fenalibus do in presenti et concedo nostrum quinionem quem habeo ex parte matris mee, uidelicet octauam partem de casali de Eires, et habet iacentia in parrochia de Sancta Columba. Si quis tamen uenerit tam ex parte mea quam ex aliena qui hanc donationem meam irrumpere uoluerit, sit maledictus et aposui ei penam per dominum terre quod quicumque hanc cartam contradixerit, pariat D solidos, et habeatis uos et omnes uox uestra iure hereditario in cuncta secula. Et ego Fernandus Menendi recepi de uobis XX^ti VI solidos pro roboratione et ista hereditas habeatis uos cum totis suis terminis per ubi eam melior potueritis inuenire. Facta donatione sub era Mª CCª LXXVIª, regnante rege domno Santio in Portugali, tenente Ualle de Uice Martino Egidii, in sede Tudensi episcopo Stephano, iudex Fernandus Diat, maiorino Martino Alfonsi, archidiaconus Martinus Lupi.
Qui presentes fuerunt: domnus Iohannes abbas, domnus Dominicus prior, F(ernandus) cellerarius testes.
Petrus Martini, Petrus Garsie confirmant. Iudex in Ualle de Uice Rodericus Menendi.
Ego Fernandus Menendi, qui hanc cartam fieri iussi, in concilio manus meas roboro et confirmo. Testes ut supra.
Ordonius qui notuit (signum).

De Eires.

Item ego G(undisaluus) Menendi do et concedo corpus meum et quinionem meum quod habeo ex parte matris mee beate Marie de Fenalibus in uilla | [f. 39v] que dicitur Eires, per ubi illam melior potueritis inuenire. Quemadmodum frater meus, Fernandus Menendi, dedit suum quinionem, ita ego do meum et concedo in cuncta secula.