De Gundemir

[f. 46v] In nomine sancte et indiuidue Trinitatis. Amen. Notum sit omnibus hominibus presentem paginam inspecturis quod ego Garsia Suerii pro remedio anime mee fatio cartam donationis et firmitudinis tibi domno Iohanni abbati et conuentui de Fenalibus, uidelicet de medietate de quintana que uocitant Gundemir, quam habeo ex parte auo meo Martinus Suerii. Et ego do uobis annuatim inde unam quartam uini tantum in uita mea et ad obitum meum habeatis uos et omnis posteritas uestra supradictam hereditatem sine ulla contradictione, et hoc facio pro remedio anime mee et cur sum uester familiarius. Insuper placuit Garsie Suerii supradicto quod recepi de uobis unum porcum pro roboratione. Si aliquis homo uenerit ex parte mea aut de extranea qui hanc donationem meam frangere uoluerit, iram Dei omnipotentis habeat et meam maledictionem incurrat et domino terre, uel cui uocem dederitis, CC aureos exsoluat et hereditatem supradictam uobis in duplum reddat et donatione manente in suo robore. Facta donatione mense iunii, sub era Mª CCª LXXª VIIª, regnante rege domno Santio IIº in Portugalia, tenente | [f. 47r] Ualadares Martinus Egidii, in sede Tudensi episcopus Stephanus, iudex in Pena Regine Nunus Petri, maiorinus Martinus Alfonsi. Ego Garsia Suerii hanc cartam roboro et confirmo.
Qui presentes fuerunt: abbas de Fenalibus et prior D(idacus) et abbas Sancti Felicis, Petrus Iohannis monachus Sancti Felicis, Petrus Petri de Lassos testes et notauit hanc cartam.