De Parada

[f. 49r] In Dei nomine. Ego Michael Gomez uobis abbati et conuentui de Fenalibus fatio cartam et testamentum de mea hereditate propria quam habeo de parte patre meo et de matre mea. Et habuerunt eam de conpara nominata unum casale in Pa|rada [f. 49v], ubi morat Petrus Pelaiz, sub aula Sancti Petri de Mour. Do uobis in presenti et concedo ipsam hereditatem integram cum totis suis terminis intus et foris, per ubi eam melius potueritis inuenire, minus inde octauam partem quod est quinionem de Maiore Gomecii, et pro roboratione recepi de uobis unum bonum raucinum, ita ut de hodie die sedeat de iuri meo abrasa et in uestro dominio data et confirmata usque in secula seculorum. Et si aliquis homo uenerit, tam de parte quam de extranea, qui hoc factum meum frangere uoluerit, sit maledictus et domino terre, uel cui uocem uestram dederitis, D solidos exsoluat. Sigillum tabellionis (signum). Et alia mea hereditate de Eiriz et meum auer semper sedeat fiador.
Ista carta fuit facta sub era Mª CCª LXª, regnante rege domno Alfonso in Portugalia, tenente Ualadares Laurentio Suariz, in Tuda episcopus Stephanus, archidiaconus Petrus Pelagii, sub manu eius Iohannes Moogus abbas Sancti Petri, donnus Ciprianus. Ego Michael Gomez uobis abbati domno Gundisaluo et uestro conuentui de Fenalibus hanc cartam roboro et confirmo.
Qui presentes fuerunt et uiderunt et audierunt: Suerius, Michael, Rodericus testes.
Iohannes, Petrus, Pelagius confirmant.