De Ferraria

[f. 51r] In Christi nomine. Ego Fernandus Fernandi uobis domno Dominico abbati et conuentui de Fenalibus fatio cartam uenditionis de hereditate mea quam habeo ex parte auorum meorum in loco qui dicitur Ferraria, in loco qui dicitur Quintaas et in loco qui dicitur Nugueira pro precio quod de uobis accepi, VII solidos, et pro roboratione III^es denarios, quod mihi et uobis bene placuit et de pretio nichil remansit in debito pro dare. Igituir de hac die habeatis uos et omnes successores uestri quantum ego habeo in ipsis predictis locis et faciatis inde quicquid uolueritis in secula seculorum. Ego Petrus Iohanis uobis Dominico abbati et conuentui de Fenalibus uendo quantum habeo in loco qui uocatur Ferreira et in as Quintas et in Nugueira pro precio quod de uobis recepi, VI solidos et dimidium, et pro robore VI denarios. Si aliquis homo uenerit uel uenerimus tam de nostris quam de alienis qui hanc cartam nostram frangere uoluerit, pariat uobis ipsam hereditatem duplatam uel quantum fuerit meliorata et insuper domino terre, aut cui uocem uestram pulsauerit, pectet D solidos; carta maneat in robore. Facta carta uenditionis sub | [f. 51v] era Mª CCª XLª VIª et quotum III° nonas maii, regnante rege domno Santio in Portugalia, tenente Ualadares donno Iohanne Fernandi, in sede Tudensi episcopus Suerius. Ego Fernandus Fertnandi et ego Petrus Iohannis cum filiis et filiabus nostris hanc cartam roboramus et confirmamus.
Qui presentes fuerunt: Petrus testis, Iohannes testis, Martinus testis.
Garsias qui notuit (signum).