De campo de Gundufo

[f. 55r] In Dei nomine. Ego Urraca Midi una cum filia mea Perronela uobis donno Fernando abbati et conuentui Sancte Marie de Fenalibus facimus cartam testamenti de hereditate nostra propria quam habemus de Guilelmo Nuni et habet iacentia in campo de Gundufo, sub monte de Aquileira ad Cegus, decurrente ad Fontem de Donas usque ad riuulum Minei. Damus et concedimus mediam ipsius hereditatis, prout eam melius inuenire potueritis, pro remedio animarum nostrarum et parentum nostrorum, et recepimus de uobis pro robora V solidos in denariis et unum agnum et unam cucurbitam de uino. Habeatis et possideatis uos et omnes successores uestri qui in ipso monasterio Deo seruierint iugiter imperpetuum. Et si aliquis homo uenerit ex parte mea uel de extranea qui hoc pactum nostrum irrumpere temptauerit, sit maledictus et excommunicatus et cum Iuda traditore in inferno condempnatus et duplet uobis ipsam hereditatem et insuper domino terre, aut cui uocem uestram dederitis, CCC^os solidos exsoluat; carta maneat in suo robore. Facta carta sub era Mª CCª XXª Iª, regnante rege Alfonso in Portugali, in sede Tudensi episcopo donno Beltrano, tenente Ualadares domnus Suerius Arie, archidiaconus donnus Garsias. Ego Urraca Midiz una cum filia mea Peironela, que istam cartam iussimus fieri, in concilio coram bonis hominibus manus nostras roboramus.
Qui presentes fuerunt: Nunus Didaci testis, Garsias testis.
Iohannes Nuni confirmat, Martinus confirmat.
Pelagius qui notuit (signum).