De Rauces

[f. 55v] In nomine Domini. Amen. Notum sit tam presentibus quam futuris hoc scriptum inspecturis et imperpetuum ualiturum quod ego Gundisaluus Iohannis, miles de Bieiti, uobis abbati et conuentui monasterii Sancte Marie de Fenalibus uendo partem meam, uidelicet VI^am ipsius casalis nostri, quod fuit domne Santie Roderici et est in ipsa uilla que dicitur Rouces, territorio Sancte Marie, et habet adiacentiam circa Melgazum. Uendo, inquam, eam uobis cum omnibus suis pertinentiis, tam in montibus quam in fontibus quam in pascuis, cum introitibus et exitibus, pro C L soldis, quod mihi complacuit, et pro robore duos soldos. Inter cetera si quis contra hanc meam | [f. 56r] uoluntariam uenditionem uenire uoluerit, pectet parti supradicte quingentos soldos et carta nichillominus in suo maneat robore. Facta carta sub era Mª CCª LXXXª IIIª et quotum VI° idus iunii, rege in Portugallia Santio II° regnante, Lucha in Tuda episcopante, Martino Egidii Ualadares tenente, in Melgazo iudicibus Iohanne Ospite, Ruderico Petri.
Presentibus et uidentibus: Petro abbate Sancti Claudii, Petro Arie priore ipsius monasteri, Oerius Martini monacho, Fernando Fernandi clerico de Bieiti, Iohanne Iuliani capellano, Petro monago, Fernando Munionis layco, Iohanne Martini, Aria Petri milite, Iohanne Garsie milite, Michael Oduarii qui notuit per mandatum ipsius Gunsalui.