De Curugeiras

[f. 58v] In Dei nomine. Ego Martinus Pelagii cum uxore mea Maria Pelagii facimus pactum cum domno Iohanne abbate et conuentu de Fenalibus ut quantum habemus in uinea de Curugeiras, quam habuit ad forum Pelagius Garsie cum uxore | [f. 59r] sua Maria Petri, teneamus in uita nostra tantum et soluamus inde annuatim monasterio de Fenalibus medietatem omnium fructuum cum aliis directuris quibus soluere tenebamur cum dabamus terciam de ipsa uinea et cetera omnia seruaturi que in alio placito continentur. Si quis contra hoc placitum uenerit, pariat parti alteri D solidos et semper placitum maneat in robore. Facta pactione sub era Mª CCª LXXXª Vª, mense iunii, regnante in Portugalia rege domno Santio II°, tenente Ualadares Martino Egidii, in Tuda episcopo domno Luca, iudices in Melgatio Rudericus Iohannis et Rudericus Petri, alcalde de Turre Petrus Fernandi.
Qui presentes fuerunt: Iohannes Moogus presbiter de Melgatio et Petrus Iohannis presbiter testes, Petrus Martini presbiter testis.
Petrus Garsie monacus testis, Petrus Muniz testis, Michael Brazadu testis, Martinus Chico testis, Facundus Martini, laici, testis.
Martinus qui notuit (signum).