De Seruanis

[f. 59r] In Dei nomine. Amen. Quum uita quam fruimur breuis est occulte labitur etas hominum, iccirco nouerint tam presentes quam posteri quod ego Rudericus Fernandi, dictus Agulia, cum uxore mea Terasia Pelagii et cum filio nostro Iohanne Roderici, canonico Tudensi, et cum omni uoce nostra uobis abbati domno Iohanni et cellarario domno Fernando Alfonsi ac uniuerso conuentui de Fenalibus omnique uoci uestre facimus cartam uenditionis de quarta parte unius casalis quam habemus in Seiuais, quod uocatur casale de Fonte, quam quartam partem recepimus in concabia de monasterio Sancti Bartolomei pro XII solidis, quos monstrauimus dicto monasterio annuatim per apotecam nostram quam habemus ante portale Sancte Marie de Olivaria; post mortem nostram damus et concedimus uobis quartam partem supradicti casalis cum omnibus pertinenciis suis pro C^m Lª solidis cum roboratione, tantum uobis et nobis placuit. Habeatis uos eam semper et posteritas uestra in secula seculorum. Si quis tam de nostra parte quam de alia contra hanc cartam nostre uenditionis uenire uoluerit, sit maledictus et uobis pectet ipsam hereditatem duplatam et domino terre CCC^os solidos | [f. 59v] pro pena persoluat et hec carta firma semper et stabilis perseueret. Facta carta sub era Mª CCª LXXXª Vª, mense marcii, domino Santio II° rege in Portugalia regnante, episcopo in Tuda domno Luca, tenente Ualadares domno Martino Egidii. Pelagius qui notuit de mandato Pelagii Petri, canonici Tudensis et publici notarii.
Nos supradicti hanc cartam roboramus et confirmamus.
Petrus, Iohannes, Pelagius testes.
Ego Pelagius Petri, canonicus Tudensis et publicus notarius, interfui et signum meum appono (signum).