De Bergoti

[f. 63r] In nomine Patris et Filii et Spiritus Sancti. Amen. Ego Toda Muniz cum filiis et filiabus meis, scilicet Petro Fernandiz, Fernando Fernandi, Dominico Fernandi, Santia Fernandi, Maria Fernandi, Urraca Fernandi et filiis de Martino Fernandi, tibi Fernando Sanchii uendimus hereditatem nostram propriam pro precio quod de a te (a) accepimus, uidelicet LXXª soldos, quod nobis et tibi bene complacuit, et de precio nichil remansit in debito pro dare. Et ipsa hereditas habet iacentia in uilla que uocitant Bergoti. Uendimus tibi quantum ibi habemus, in una parte Minei et in altera, et habeas eam iure perpetuo ita ut de hodie die de iuri nostro sit abrasa et in tuo iure sit collocata. Et si aliquis homo uenerit tam de parte nostra quam de extranea qui hoc factum nostrum rumpere | [f. 63v] uoluerit, sit maledictus et excommunicatus et cum Datam et Abiron, quos terra uiuos absorbuit, in inferno condempnatus et pariat hereditatem duplatam cum quanto fuerit melioratam et domino terre D solidos exsoluat. Ego Toda Muniz cum filiis et filiabus meis in hac carta manus nostras roboramus et in roboratione recepimus V solidos. Facta carta uenditionis sub era Mª CCª LXª Iª, regnante in Legione rege domno Alfonso, alferat infans Petrus, tenente castellum Sancti Martini domno Martino Sancii, sub manu eius Iohanne Suariz senior de Crecenti, capellanus domini regis Petro Fernandi, in sede Tudensi episcopo domno Stephano, decano domno Petro Menendi. Factum nostrum semper sit firmum et stabilem usque imperpetuum.
Qui presentes fuerunt: Petrus Gomez presbiter testis, Michael Oduarii clericus testis.
Pelagius Ribeira presbiter testis.
Petrus diaconus qui notuit (signum).