De Bergoti

[f. 63v] In Christi nomine. Ego Petrus Aluari de Bergoti uobis domno Gundisaluo abbati et conuentui de Fenalibus fatio cartam uenditionis de hereditate mea propria quam habeo iuxta portum de Bergoti prope aliam uestram hereditatem, scilicet mediam de una leira et ipsam | [f. 64r] medietatem diuide in sex quiniones. Et uendo inde uobis quantum in ea habeo pro precio quod de uobis recepi, id est XX^ti solidos, ita ut de hodie die de iuri meo sit abrasa et in manu uestra tradita. Habeatis et possideatis eam uos et omnes successores uestri et faciatis de ea quicquid uobis placuerit imperpetuum. Et si aliquis homo uenerit uel uenero ex parte mea uel ab extranea qui uobis contradicat hanc hereditatem, sit maledictus et heres sit in hereditate inferni cum Datam et Abiron, Anna et Caypha et Poncio Pilato et duplet uobis hereditatem et insuper pectet domino terre, uel cui uocem uestram dederitis, CC solidos et carta maneat in suo robore. Facta karta uenditionis era Mª CCª LXª VIIª, regnante in Portugalia rege domno Santio II°, tenente Ualadares Suerio Pelagii, Tudensis episcopus domnus Stephanus. Ego Petrus Aluari primo positus hanc cartam roboro et confirmo.
Qui presentes fuerunt: Petrus testis, Pelagius testis.
Iohannes testis, et omnis conuentus testes.
Petrus cantor Fenalis et notarius abbatis notuit (signum).