De portu de Bergoti

[f. 64r] In nomine Patris et Filii et Spiritus Sancti. Amen. Ego Petrus Odarii tibi domno Gundisaluo abbati et tuo conuentui de Fenalibus uendo hereditatem meam quam habeo ex parte auorum meorum in loco qui dicitur portus de Bergoti, iuxta ripam ipsius fluuii Minei et iuxta aliam uestram quam conparasti de Fernando Sancii, nominatam meum quinionem, uidelicet mediam de leira que ibi iacet et ipsam medietatem diuidite in VI^es quiniones; et do inde uobis quinque quiniones quia tantum inde habeo. Uendo uobis eam pro precio quod de uobis accepi, id est XX^ti solidos. Habeatis eam uos et omnes successores uestri. Et si quis uobis eam contradixerit, sit maledictus et cum Poncio Pilato in inferno condempnatus et duplet uobis hereditatem et insuper C solidos pectet domino terre, uel cui uocem uestram pulsauerit. Facta carta uenditionis sub era Mª CCª LXª VIIª, mense aprilis, regnante rege in Portugali domno Santio II°, tenente Ualadares Suerio Pelagli, in sede Tudensi episcopo domno (a) Stephano, archidiacono Petro Pelagii. Ego Petrus Odarii | [f. 64v] in hac carta manus meas roboro et pro roboratione recepi duos solidos.
Qui presentes fuerunt, uiderunt et audierunt: Petrus Roderici clericus testis, Laurentius Roderici testis.
Petrus Alfonsi testis, Petrus qui notuit (signum).