-

[f. 64v] In nomine domini nostri Iesu Christi. Sciant presentes et posteri. Quod ego Marina Roderici de Ualde Uice cum omni uoce mea uobis Ruderico Fernandi et uxori uestre Terasie Pelagii omnique uoci uestre fatio cartam uenditionis de illa mea hereditate de Ceivanis, uidelicet de VIª parte casalis de Sauto, quam habui ex parte matris mee Urrace Fernandi de Badin. Do illam uobis pro LXXª solidis; tantum mihi et uobis bene complacuit et de precio et de roboratione nichil remansit pro dare. Ex hac igitur die sit hec hereditas de meo iure abrasa | [f. 65r] et in uestro tradita et confirmata in secula seculorum. Si quis uero tam ex parte mea quam ex aliena contra hanc uenditionem uenire temptauerit, sit maledictus et pectet uobis, uel uoci uestre, illam hereditatem duplatam cum quanto fuerit meliorata et domino terre Dos solidos perdsoluat. Facta carta sub era Mª CCª LXª IIª, XIIII° kalendas decenbris, regnante Portugalie rege domno Santio, principe in Ualadares Santio Pelagii, episcopo Tude domno Stephano. Ego Maria Roderici propriis manibus hanc cartam roboro et confirmo.
Qui presentes fuerunt: Petrus testis, Pelagius testis.
Iohannes testis, Martinus qui notuit (signum).