De Iunqueira de Triuis

[f. 67r] In nomine Patris et Filii et Spiritus Sancti. Amen. Hoc est placitum firmitudinis quod ego abbas Gundisaluus de Fenalibus cum conuentu nostro facimus cum Menendo Uelasquiz de uno casa|le [f. 67v] quod habemus in Triuis, in uilla que uocitant Iuncaria, circa Sanctam Crucem, quod fuit de matre sua. Damus ei illud casale pro alio suo quod habet in Nugueiroo et in presenti recepimus eum nostro iure. Insuper et ipse miles rogauit ut dedissemus ei illud casale de Nugueiroo pro alio suo quod habet in Guilamir et nos dedimus ei tali pacto, ut teneat ipsas hereditates in uita sua et non habeat potestatem uendendi nec pignorandi et, si uxorem habuerit, in arras dandi; et si inde aliud fecerit, pectet quingentos aureos ad monasterium, uel cui uocem suam dederit, et ipsam hereditatem duplatam. Et insuper annuatim ex utraque hereditate det monasterio V^e solidos et si abbas uel prior uenerit, recipiantur ut dominus in omnibus. Et si aliquis uenerit tam de nostra parte quam de sua qui hunc factum nostrum infringere uoluerit, sit maledictus et excommunicatus et cum Iuda traditore in inferno condempnatus et insuper pariat pondus quod super scriputm est. Era Mª CCª LXª IIIª et quotum XVº kalendas iulii, regnante in Legione rex Alfonsus, in sede Auriensi episcopus Laurencius, tenente Limiam domnus Martinus Sancii.
Qui presentes fuerunt: Petrus testis, Pelagius testis.
Iohannes testis, Petrus qui notuit et est testis.