De Pousadela et de Carualo Retorto

[f. 67v] De Pousadela (a) et de Carualo Retorto.

Sub Christi nomine. Ego domnus Petrus Manion et domna Urraca Petri et Petrus Nuni et Arias Nuni facimus cartam et forum tibi Iohanni Gundisalui et Ruderico Gundisalui de nostro monte quod habemus in loco qui dicitur Pousadela et Caruallo Retorto, quantum inde est rouxio, scilicet III^es quartas de ipso monte quomodo diuidit per regalengo et uadit ad auteirum de Raposaria et inde ad petram de Teto et descendit ad riuulum de Gorgua. Damus uobis totum nostrum quinionem de ipso monte per suas diuisiones tali pacto, quod dirrumpatis eum et detis inde nobis et uoci (b) nostre terciam partem de omni fructu, panem in area et uinum in torculari et castaneas in cisterna, et annuatim IIII^or gallinas et VI panes quos ualeant singulos denarios. Et si forte euenerit quod edificetis ibi domos et cortineas, detis inde annuatim nobis et uoci nostre VIIIº solidos. | [f. 68r] Et hoc forum impendo, habeatis uos ipsam hereditatem et omnis uox uestra imperpetuum et faciatis inde istum forum; et si uolueritis uendere uel impignorare, prius nobis antequam alio homini istud faciatis et, si nos noluerimus, uendatis uel inpignoretis tali homini uel tali loco qui nostrum forum faciat in pace sine ullo impedimento, et debetis dare nostra porcionem per maiordomum nostrum. Ex quacumque igitur parte hanc cartam fractam fuerit, pariat parti alteri D solidos et semper carta remaneat in robore quod fuit facta. Sub era Mª CCª LXXª IIª, domno Fernando rege in Legione et Castella regnante, domno Laurencio episcopo in Auriense, domus Petrus III^us in Cellanova abbas, domus Petrus Manion terram Sancte Crucis tenente.
Qui presentes fuerunt: Petrus Gomes prelatus ecclesie Sancti Petri de Turrim testis, Lupus Martini testis, Pelagius Uelasci testis, Munio Ribeira testis, Fernandus Gundisalui testis.
Iohannes Fernandi testis, Petrus testis, Martinus testis, Pelagius testis, Petrus Menendi notarius de Milmanda qui notuit.