De Deua

[f. 69v] In Dei nomine. Notum sit presentibus et futuris quod ego Fernandus Suerii, miles de hospitali Sancti Iacobi, recipio a domno Iohanne abbate et conuentu de Feaes quamdam hereditatem quam habent in Deua, casale unum quod uocitant de Untia, tali conditione ut plantem ibi uineam et ipsam totam hereditatem custodiri et excoli bene faciam et non liceat mihi ipsam hereditatem uel aliquam eius partem, quamuis paruam, dare aut alienare aliquo modo a iure et dominio monasterii ipsius neque in prestimonium alicui dire, sed per memet ipsum teneam eam in uita mea tantum et soluam de ea annuatim eidem monasterio, a festo Sancti Iohannis Babtiste usque ad kalendas marcii, LXª solidos Legionensis monete. Et si ego aliter fecero, monasterium iam dictum recipiat hereditatem suam et pignorent me ex parte monasterii in bonis meis pro pena centum solidorum. Ipsi uero fratres promittunt mihi bona fide, sub pena centum solidorum, ut pactum istum in uita mea inuiolabile permaneat; in morte mea recipiat monasterium suam hereditatem liberam, sine diminutione, in pace et cuiusquam contradictione. Facta carta et pactione apud monasterium de Feaes, era | [f. 70r] Mª CCª LXXXª Vª, mense februarii, regnante rege in Legione, Castella et Corduba domno Fernando, tenente castellum Sancte Crucis Menendo Uelasci, episcopo in Auria domno Laurentio.
Qui presentes fuerunt et testes: Conuentus de Feaes, Rudericus Martini miles, Petrus Gundisalui, Iohannes Petri, Martinus Petri armigeri, Alfonsus Alfonsi de Tuda, Iohannes Furtadu.
Munio Suerii, monachus Ursarie, scripsit de mandato abbatis et Fernandi Suerii primo positus.