De Sancta Eolalia de Couas

[f. 70r] In Christi nomine. Notum sit tam presentibus quam futuris quod ego Iohannes dictus abbas et conuentus de Fenalis tibi Munio Pelagii | [f. 70v] et uxori tue Marine Gundisalui et omni generationi uel uoci uestre damus unum terrenum in nostro couctu de Sancta Eolalia, quomodo uertit contra Couas, tali pacto quod plantetis et laboretis eum bene et detis inde nobis annuatim terciam partem de omni fructu in lagari et in area et in cisterna in termino ipsius uille de Sancta Eolalia et in die Sancti Michaelis annuatim detis nobis II^os solidos. Si uolueritis uendere uel impignorare aut pro anbima dare non detis nisi nobis, si nos uoluerimus comparare, et numquam adducatis contra nos alium seniorem super ista hereditate nisi forte regem. Si quis ex utraque parte fregerit, pectet alteri parti D^os soldos. Facta carta sub era Mª CCª LXXª Vª, in Legione et Castella regnante Fernandus, tenente castellum Sancte Crucis Menendus Uelasquiz, Auriensis episcopus Laurentius.
Qui presentes fuerunt: Pelagius Carneirus testis, Petrus Iohannis testis, Martinus Petri testis.
Fernandus Petri testis, Gomez Petri testis, Petrus qui notuit.