De Abeleira

[f. 73r] In Dei nomine. Era Mª CCª LXXXª IIIª et quotum mense iunii. Notum sit omnibus presentibus et futuris quod ego Iohannes abbas de Fenalibus cum conuentu eiusdem monasterii, tam monachis quam conuersis, damus atque concedimus tibi Petro Menendi et omni uoci tue quamdam hereditatem quam habemus in uilla de Abeleira, quomodo incipit in marcis de lumbo de ualle et uadit in directo per fontes et uadit ad sautum de Uilla Bona et exinde quomodo descendit ad regarium. Damus et concedimus tibi quantam hereditatem ibi habemus per supradictis terminis sub tali conditione, quod plantes eam de uinea usque ad quinque annos et persoluas inde | [f. 73v] nobis annuatim terciam partem ex omni fructu, exceptis inde pessegos, in nostro cellario de Sancta Eolalia et, transactis V^e annis, reddas nobis annuatim unam talegam de tritico et unam almudem de uino pro festo sancti Martini. Si uolueris uendere uel inpignorare nobis uel pro anima dare, si forte nos non uoluerimus emere uel impignus recipere, uendas et obliges tali homini uel tali loco de quo habeamus supradictum forum in pace. Qui hoc pactum fregerit, pectet parti alteri Lª morabitinos et semper carta remaneat in robore. Regnante rege Fernando, in Auria episcopus Laurentius, in Cellanoua abbas Fernandus Gomecii, tenente castellum Sancte Crucis Menendus Uelasci.
Qui presentes fuerunt: Munio Petri, qui fuit personarius carte, testis, Fernandus Petri testis, Martinus Menendi testis, Martinus Gundisalui testis, Martinus Suerii testis, Petrus Uelasci testis.
Iohannes Roderici testis, domnus Petrus Mini miles testis, Martinus Laurencii et frater eius Iohannes Laurencii testes, Martinus Pelagii, notarius concilii de Milmanda, qui notuit.