De Abeleira

[f. 73v] In Dei nomine. Era Mª CCª LXXXª. Notum sit omnibus presentibus et futuris quod ego domnus Martinus abbas de Fenalibus cum conuentu | [f. 74r] ipsius monasteri damus atque concedimus tibi Petro Muniz et Fernando Muniz nostram hereditatem quam habemus in loco qui dicitur Abeleira et iacet sub uestra seara circa corregum, scilicet duas leiras ex una parte et ex altera parte una contra riuulum, tali pacto ut detis inde nobis annuatim terciam partem ex omni fructu per nostrum hominem in nostro cellario de Abeleira. Si uolueritis uendere uel inpignorare uel pro anima dare, monasterio de Fenalibus; si forte ex parte monasterii noluerint comparare uel impignus recipere, uendatis uel obligetis tali homini qui compleat nobis predictum forum in pcae. Qui hoc pactum fregerit, pectet parti alteri CC^os solidos et semper carta maneat in robore.
Qui presentes fuerunt: Petrus prior testis, frater Alfonsus conuersus testis, Petrus Iohannis de Sancta Uaya testis, Munio Petri testis, Martinus Pelagii testis.
Martinus Gundisalui de Ualongo testis, Martinus Fernandi testis, Martinus Iohannis testis, Menendus Gundisalui testis.
Tempore illo regnabat rex domnus Fernandus in Castelle et in Legione, in Auria episcopus Laurentius, tenente castellum Sancte Crucis Menendus Uelasci.
Ordonus monachus qui notuit (signum).