De Chancin

[f. 74r] In Dei nomine. Era Mª CCª LXª IIª. Notum sit omnibus hominibus tam presentibus quam futuris quod ego Suerius Gomez et uxor mea Marina Roderici tibi Iohanni Pelagii et Menendo Fernandi damus et concedimus nostram hereditatem quam habemus in loco qui dicitur Chancin, que fuit de casali de Eldonza, tali pacto quod plantetis ibi uineam et detis inde annuatim nobis uel uoci nostre terciam partem uini in lagare. Et per istum forum habeatis semper istam hereditatem imperpetuum in pace et faciatis de ea quciquid placuerit uobis et nos defendendo uos semper cum directo. Qui istam cartam irrumpere uoluerit tam de nostra parte quam de aliena, iram Dei omnipotentis incurrat et pectet domino terre C^m solidos et istam hereditatem in duplo componat, quomodo fuit meliorata, et ista carta maneat semper in robore. Et si uolueritis uendere uel impignorare uobis unus ad alterum, uendere uel subpignorare, et si uos non fueritis parati, nobis uendatis uel inpignoretis; et si nos non fuimus parati, uendatis uel supignoretis tali | [f. 74v] homini uel tali loco qui compleat nobis nostrum forum in pace et nos sibi faciamus. Regnante rege domno Alfonso in Legione, in Auria episcopo domno Laurentio, abbas Cellenoue Petrus Petri, tenente Limiam domno Martino Sancii, tenente castellum Sancte Crucis Ermigio Muniz.
Qui presentes fuerunt: Fernandus Pelaiz testis, Petrus Menendiz testis, Nunus Martini testis.
Ego Suerius Gomez et uxor mea iam dicta manus nostras roboramus. Facta carta mense marcii.
Geraldus qui notuit.