De Cidadela

[f. 82r] In Dei nomine. Ego Urraca Fernandi uobis domno Gundisaluo Petri abbati et conuentui monasterio de Fenalibus fatio cartam de hereditate mea propria quam habeo de patre meo pernominata (a) uno casali et habet iacentia in loco qui uocitant Cidadela, in parrochia de Sancto Faustro. Do uobis et concedo ipsam hereditatem ob remedium anime mee et insuper dedistis mihi unum casale in sauto de Menendo ut habeam eum in uita mea et post mortem meam liber sedeat de monasterio de Fenalibus et ipsum meum casale de Cidadela erat impignoratum pro CC^os XXXª solidos et uos tirastis eum de pignore et pro isto et pro anima mea habeatis uos ipsum meum in perpetuum cum omnibus suis terminis modernis et antiquis per ubi eum melius potueritis inuenire. Si aliquis homo uenerit uel uenero qui hoc factum meum irrumpere uoluerit, sit maledictus et ipsam hereditatem dupplet monasterio in tali loco uel in obtimo et domino terre, uel cui uocem uestram tenuerit, pectet C aureos et carta maneat in suo robore. Facta donatione (b) sub era Mª CCª LXª IIIª, regnante rege domno Alfonso in Legione et rege Santio II° in Portugalia, tenente Sanctum Pelagium de Lodo domno Fernando Gil, in Sancto Iacobo de Gallecia electus magister Bernaldus, in Pena de Regina Iohannes Fernandi et in Ualadares similiter et sub manum eius Iohannes Garsie et frater eius Rudericus Garsie, in Tuda episcopus Stephanus.
Qui presentes fuerunt, uiderunt et audierunt: | [f. 82v] ego Orraca Fernandi in hac carta manus meas roboro et confirmo.
Petrus, Pelagius, Iohanes testes.
Fernandus, Munio, Martinus confirmant.
(Signum).