De Sancto Martino de Latronibus

[f. 83r] In Dei nomine. Ego Suerius Tudensis episcopus do in presenti et concedo Sancte Marie de Fenalibus medietatem unius casalis quod emi de Fernando Suerii pro centum septuaginta solidos et est in uilla Sancti Martini de Latronibus et iacet sub casale de Nerpia. Relinquo in manu Menendi Didaci monachi pro remedio anime mee ut fructos inde perceptos mittatis in ecclesia Sancte Marie pro remedio anime mee et habeat ipsa hereditas monasterium de Fenalibus iure hereditario in secula seculorum. Si quis contra hanc donationem meam uoluerit temptare, maledictionem Dei et meam incurrat et sit m[al]edictuis et exconmunicatus et cum Iuda traditore (a) in inferno dampnatus et regi uoce mille solidos exsoluat. Facta carta sub era Mª CCª Lª IIª et quotum XII° kalendas iulii, rege domno Alfonso in Legione regnante, tenente castellum Sancti Martini Garsia Didaci, abbate in Fenalibus domno Iohanne. Petrus testis, Iohannes testis, Pelagius testis.
Laurentius qui notuit (signum).