De Sancto Martino

[f. 85v] In Dei nomine. Amen. Notum sit omnibus tam presentibus quam futuris quod ego Martinus Arie cedo omni questioni et in perpetuum concedo monasterio de Fenalibus ita quod non liceat mihi de cetero uel alicui ex parte mea inquietare uel uexare ipsum monasterium aliquo modo super grangiam Sancti Martini, uel rebus ad ipsam pertinentibus, nec super molendinum, nec super leira desub uia publica que uociatant Frandi, nec super casali quod fuit Marie Pelagii Riberie, ubi habitat Petrus Ligone, nec super hereditate de casali Facucu. Si quis aliquis hanc cartam ausu temerario quodlibet modo irrumpere temptauerit, sit maledictus et excommunicatus et cum Iuda traditore in inferno dampnatus; insuper domino terre pectet C aureos et carta maneat in robore. Facta carta donationis sub era Mª CCª LXXXª IIIIª, regnante rege domno Ferdinando in Legione et in Castella, tenente terram Sancti Martini Ruderico Suerii, episcopo Tudensi donno Luca. Ego Martinus Arie hanc cartam roboro et confirmo et recepi pro roboratione C X solidos et unam iustam.
Qui uiderunt et audierunt et presentes fuerunt: domnus Iohannes abbas de Fenalibus, prior Gundisaluus Pelagii, subprior Munio Petri, cellerarius Fernandus, cantor domnus Ordonius testes.
Pelagius monacus de Erada, Iohannes Suerii miles, Suerius Nuni, stabularius Martinus, sacrista Petrus confirmant.
Sacrista Petrus, portarius Rudericus, subcellerarius Fernandus.
Iohannes qui scripsit (signum).