De Sancto Martino

[f. 87v] In Dei nomine. Ego Goncina Iohannis cum uiro meo Fernando Uallino et cum germano meo Iohanne Iohannis et omnis uox mea uobis Lupo Suerii et mulieri uestre Urrace Garsie omnique uoci uestre uendimus et concedimus illas nostras leyras quas habemus in Sancto Martino inter Remoyno et Asuessadas iuxta riparium. Uendo uobis atque concedo ipsas leyras iam dictas pro pretio quod nobis persoluistis, id est XLª solidis, et pro robore II° solidis. Et qui hanc cartam irrumpere temptauerit, pectet uobis ipsas leyras duplatas uel triplatas et uoci regis CC^os solidos et hec carta maneat in robore. Facta carta in ea Mª CCª LXXª VIIª et quotum mensis iulii, regnante domno Fernando rege in Castella et Legione, episcopo in Tuda Stephano, tenentes castellum Sancti Martini domno Iohanne Suerii et domno Ruderico Suerii, maiordomis Petro Uillamidi et Ruderico Petri.
Qui presentes fuerunt: Martinus Iohannis testis, Iohannes Arie morrisco testis, Michael Petri iudex personarius ad istam cartam faciendum et est testis.
Fernandus Suerii notarius de Burgo qui notuit per mandatum personarii, qui istam cartam fieri iussit.