De Sancto Martino

[f. 87v] In Dei nomine. Ego Suerius Todoniz tibi Fernando Iohannis facio cartam de hereditate mea propria quam habeo parentum meorum in uilla nominata Auteiro, sub castello de Sancto Martino de Latronibus, in ripa Minei. Uendo et concedo tibi ipsam hereditatem com montibus et fontibus et pescariis et cum totis suis terminis excepto inde una terra quam uendidi ante Pelagio Arie pro pretio quod de te recepi XLª aureos, quod mihi et tibi bene complacuit et de pretio aput te nichil remansit pro dare. Igitur de hac die habeas tu ipsam hereditatem et omni uox tua et facias de ea quicquid uolueris in secula seculorum. Et si aliquis homo uenerit uel uenero ex parte mea uel ab extranea qui hanc cartam uoluerit frangere, quantum quesierit tantum in dupplum reddat et domino terre pectet mille solidos. Facta carta uenditionis sub era Mª CCª XXª Vª, regnante rege domno Fernando in Legione, in Sancto Martino principe Pelagio Arie, in | [f. 88r] Tuda episcopo Beltrano, archidiacono Petro Pelagii. Ego Suerius Todoniz in hanc cartam manus meas roboro et confirmo.
Iohanes, Petrus, Pelagius testes.
Fernandus, Gunsaluus, Alfonsus testes.
Iohannes qui notuit (signum).