De sub ribas

[f. 98v] De sub ribas (a).

In Dei nomine. Notum sit omnibus hominibus presentem paginam inspecturis quod ego Iohannes dictus abbas de Fenalibus et conuentus eiusdem loci tibi Suerio Petri et uxori tue Marie Michaelis facimus placitum per alfabetum diuisum de hereditate nostra propria, quam habemus ex parte fratris nostri Fernandi Monteiru, et est medietatem unius casalis ad montem et ad fontem, per ubi illum potueritis inuenire, et habet iacentia sub ripas quomodo expartet cum Marina Arie. Damus uobis ipsam hereditatem tali conditione ut semper annuatim detis in die Sancti Andree XX^ti soldos et in die de introitu XX^ti soldos et ita compleatis XLª soldos per totum. Habeatis uos et omnis uox uestra iure ipsam hereditatem imperpetuum. Insuper ego Suerius Petri et uxor mea Maria Michaelis damus et concedimus monasterio de Fenalibus ob remedium animarum nostrarum quantum habemus in ipso loco qui dicitur Pousadoiro quomodo expartet per cautum monasterii et quantum habemus ex parte parentum nostrorum, scilicet nominatim Alfonsi Iohannis et quantum fuit ex parte Iohannis Fernandi et Maioris Fernandi. Isti quiniones fuerunt de parte de Bogones et ego dedi eis cambiam per eis in campo de Gundulfo, in uilla et in montibus. Istum placitum fuit factum in mense decenbris. Si quis tamen uenerit tam ex parte nostra quam de extranea aut de parte monasterii qui istum placitum frangere uoluerit, iram Dei omniponetis habeat et pariat alteri parti D solidos et placiutm semper robur obtineat imperpetuum. Habeatis uos ipsam hereditatem et uox uestra | [f. 99r] usque imperpetuum. Facto placito sub era Mª CCª LXXª VIIIª, regnante in Portugalia rege Santio, tenente terram Martino Gil, in sede Tuda episcopus Lucas, iudices in Melgazo Rudericus Menendi et Rudericus Iohannis, alcalde de Turre Garsias Petri.
Qui presentes fuerunt:
Iohannes abbas testis, domnus Dominicus prior testis, Martinus Moniz testis.
Pelagius Conde testis, Rudericus Petri testis, Alfonsus Iohanis testis.
Ordonius qui notuit (signum).