De Uidi

[f. 99v] In nomine Domini. Notum sit tam presentibus quam futuris quod ego Urraca Nuniz fatio placitum firmissimum cum abbate de Fenalibus et eiusdem loci conuentu de hereditate mea propria quam emi cum meo marito Iohanne Castaneo de abbate domno Iohanne pro Lª soldos sine conuentu, sicilicet unam uineam in Uidi, tali uidelicet pacto ut post mortem nostram liberam remansisset ad monasterium, sed meus maritus Iohannes Castaneo predictam in arras stabiliuit mihi hereditatem. Quam uineam ego Urraca Nuniz ex propria mea uoluntate do et concedo monasterio de Fenalibus et abbati nomine Gundisaluo pro remedio anime mee et de meo marito, quam hereditatem ego nominatam Urraca Nuniz de manu abbatis nomine Gundisaluo in uita mea re|cepi [f. 100r] in aprestamo ut singulis annis dem predicto monasterio unum almudem de uino in memoriam hereditatis et post obitum meum liberam remaneat monasterio sine impedimento. Si quis autem uenerit de nostris uel de uestris qui hoc irrumperre uoluerit, sit maledictus et excommunicatus et pectet quingentos soldos ad alteram partem cui infertur dampnum. Facta carta mense februarii, era Mª CCª LXª VIª, regnante in Portugalia rege domno Santio II°, in Tuda episcopo domno Stephano, tenente terram S.
Qui presentes fuerunt:
Petrus testis, Iohannes testis, Martinus testis.
Suerius testis, Gundisaluus testis, Rodericus testis.
Laurencius monacus qui notuit (signum).