De Raucis

[f. 100v] In nomine domini nostri Iesu Christi. Ego Petrus Lupi uobis domno Martino abbati de Fenalibus et omnibus fratribus eiusdem loci tam presentibus quam futuris fatio pactum firmissimum in CCC^os solidis roboratum de illo uestro casali de Roucis quod ego tenebam de uobis in pignore pro quinquaguinta et V^e morabitinos et modo eum do uobis et concedo pro remedio anime mee et pro clientulo meo Iohanne Petri, quem offero Deo et uobis ut semper uobiscum uiuat, et propter hoc datis mihi in roboratione unum modium de pane et alium modium de uino et unum arietem et unum porcellum tenellum. Et si de monasterio aliquam iniuriam fecerint ipsi clientulo meo Iohanni Petri uel eum eieceritis de monasterio, medietatem de pecunia predicta ei detis et aliam medietatem pro anima mea habeatis. Si aliquis ex parte mea uel de uestra istam cartam irrumpere temptauerit, sit maledictus et excommunicatus et cum Iuda traditore in inferno dampnatus et insuper domino terre CCC soldos pectet. Facta carta sub era Mª CCª XXª Vª, regnante rege Santio in Portugalia, episcopo Beltran in Tuda, Pelagio Suariz tenente Ualadares, archidiaconus Garsias.
Qui presentes fuerunt:
Petrus testis, Menendus testis.
Iohannes testis, Pelagius qui notuit (signum).