De Palaciis

[f. 102r] In Dei nomine. Notum sit tam presentibus quam futuris quod ego Marina Pelagii, Deo uota, de mandato abbatisse mee domne Maria Genesii et conuentu de Alueos do in presenti et imper|petuum [f. 102v] concedo ob remedium anime mee monasterio de Fenalibus totam hereditatem meam quam habeo et habere debeo ex successione materna in tota filegresia de Palaciis et in Bragadela et in agro comitum et a uia publica montis superius uersus monasterium usque ad ipsum monasterium supradictum, omnem meam porcionem. Recipio, inquam, ego ab abbate domno Martino et a conuentu predicto, pro amore et benefitio et in reconpensatione tantum in uita mea tenendum, quicquid fructus habere potuero de hereditate ipsorum fratrum de soengas et quicquid utilitatis inde conuenienter conmode prouenire. Quisquis contra hanc donationem siuee recompensationem uenerit, teneatur alteri parti ad solutionem C aureorum; transactio et donatio stabilis et firma imperpetuum maneat. Facta donatione et recompensatione aput monesterium de Fenalibus era Mª CCª LXXXª, regnante rege in Portugalia Santio II°, tenente Ualadares Martino Gil, in sede Tuda episcopus Luchas, iudices in Melgazo Roderico Iohannis et Iohannes Ospes.
Qui presentes fuerunt: conuentus de Fenalibus et
Suerius Pelagii testis, Iohannes Arie testis.
Alfonsus Iohannis testis, Pelagius Roderici presbiter qui scripsit (signum).