De Muguemis

[f. 105v] In Christi nomine. Ego Laurentius Nuniz uobis domno Iohanni abbati et conuentui de Fenalis pro centum soldos et unam uacam in roboratione cum suo filio facio cartam de quarta de quanta hereditate habeo in uilar de Mugueimis pro anima mea et pro precio supradicto, cum omnibus suis terminis per ubi potueritis inuenire. Item pro anima mea et remissione peccatorum meorum fatio cartam de alia quarta de predicta hereditate cum quanto termino ad ipsam hereditatem pertinet, ut habeatis et possideatis uos eam et omnes successores uestri qui in ipso monasterio Deo seruierint et faciatis de ea quicquid placuerit uobis imperpetuum. Si aliquis homo uenerit uel uenero ex parte mea uel de extranea qui hanc cartam uoluerit frangere, sit maledictus et domino terre, aut cui uocem uestram pulsauerit, pectet C^m aureos et carta semper robur obtineat. Facta carta sub era Mª CCª LXXª IIª, regnante rege domno Fernando in Castella et in Legione, in Auria episcopo domno Laurentio, tenente castellum de Alariz Pelagio Arie. Ego Laurentius Nuniz hanc cartam roboro et confirmo et recepi pro roboratione X solidos.
Qui presentes fuerunt:
Menendus Didaci testis, Martinus Alfonsi testis, frater Gundisaluus testis.
Frater Nunus testis, Petrus Petri testis, Munio Petri testis.
Petrus qui notuit (signum).