De Muguemis

[f. 107r] In Dei nomine. Ego Terasia Martiz una cum uiro meo Pelagio Martini et cum filia mea Maior Pelagii uobis domno Iohanni abbati et conuentui de Fenalibus pro anima mea et remissione peccatorum meorum fatio cartam de hereditate mea quam habeo ex parte patris mei in uilla de Mugueimis, in loco qui dicitur Ranadoiro, in parrochia Sancte Marine. Do uobis et concedo medietatem de quanta hereditate habeo in ipso loco iam dicto Ranadoiro, ut habeatis et possideatis uos et omnes posteri uestri iure perpetuo sine ulla calumpnia. Et pro hoc dedistis mihi unum bouem et unam uacam. Si quis uobis calumpniauerit istam hereditatem, sit maledictus et in penas inferni condempnatus et domino terre pectet D solidos et uobis hereditatem duplatam. Ego Terasia Martiz cum uiro meo supradicto et cum filia hanc cartam propiis manibus roboramus et pro roboratione dedistis mihi unam cucurbitam plenam de uino. Facta carta sub era Mª CCª LXXª Vª, regnante rege domno Fernando in Legione et Castella, in Auriense episcopo Laurentio, tenente Aquilares Pelagio Arie.
Qui uiderunt et audierunt et presentes fuerunt:
Petrus Nuniz testis, Rudericus Muniz testis, Fernandus Pelaiz testis, domnus Simeon testis.
Laurentius Nuniz testis, Fernandus Martiz testis, Petrus qui notuit testis (signum). |