De uilar de Mugueimis

[f. 107v] De uilar de Mugueimis.

In Dei nomine. Ego Petrus Moogu de Germiadi uobis Iohanni abbati et uestro conuentui Sancte Marie de Fenalibus pro anima mea et remissione peccatorum meorum, uobis et successoribus uestris quibus in ipso monasterio Deo servicium fecerint, fatio cartam de hereditate mea uidelicet quantum habeo in uilar de Mugueimis, in casali de Lama sub aula Sancti Petri, ut in die isto de iuri meo sit abrasa et in uestro dominio tradita atque confirmata, per ubi eam potueritis inuenire, in monte et in uilla, culta et inculta, in aquis et in pratis. Si quis ex parte mea uel de extranea uenerit ad calumpniandum, sit maledictus et maledictionem Dei et sancte Marie et meam habeat et regali uoce pariat CCCC^tos solidos. Facta carta sub era Mª CCª LXXª. Ego Petrus Petri uobis predicto Iohanni abbati et conuentui pro anima mea do quantam hereditatem habeo cum fratre meo Menendo Petri ut habeatis et possideatis eam uos et omnes successores uestri. Si quis ex parte mea uel de extranea contradixerit, sit maledictus et domino terre pectet CCC solidos. Regnante rege domno Fernando in Castella et Legione, in Auria episcopo Laurentio, tenente Araugu Rudericus Suerii, tenente Aquilares Pelagius Arie. Petrus Lupi iussit facere cartam.
Qui presentes fuerunt:
Uelascus Sancii testis, Laurentius Nuniz testis, Menendus Petri testis.
Lupus Muniz clericus testis, Martinus Pelaiz clericus testis, Laurencius Nuniz miles testis.
Petrus qui notuit (signum).