De Mugueimis

[f. 108r] In Christi nomine. Ego Lupus Petri uobis Iohanni abbati et conuentui Sancte Marie de Fenalibus fatio cartam uenditionis | [f. 108v] et confirmationis de medio de cortinali desuper Uelezelu quem habui de matre mea et medietatem de leira de Area cum bazelu pro precio quod de uobis accepi, scilicet unum bouem, quod tantum mihi et uobis bene complacuit, ita ut hodie die de iuri meo sit abrasa et in uestro dominio confirmata et pro roboratione recepi I solidum. Si aliquis ex parte mea uel progenie uenerit ad irrumpendum hanc cartam, maledictionem Dei et sancte Marie et meam habeat et cum Datam et Abiron hereditatem inferni possideat et domino terre pariat CC solidos et duplet uobis hereditatem et carta semper maneat in robore. In Legione et Castella regnante rege domno Fernando, Auriensis episcopus Laurentius, tenente Araugum Rudericus Suariz, tenentes Aquilares Pelagius Arie. Ego Lupus Petri in hac carta manus meas roboro et confirmo.
Qui presentes fuerunt:
Iohannes Fernandi testis, Garsias Petri testis.
Rudericus Martini testis, Fernandus Martini de Palaciis testis.
Petrus qui notuit (signum).