De Retorta

[f. 132v] In Dei nomine. Notum sit presentibus et futuris quod ego Rodericus Gomecii una cum uxore mea Maiore Garsie do in presenti ob remedium anime mee monasterio de Fenalibus et imperpetum concedo si quid iuris habebam in loco qui dicitur Retorta, in termino de Ecclesiola, et cedo omni questioni quam faciebam super ea eidem monasterio. Similiter do et concedo porciones fratrum meorum, uidelicet Pelagii Gomecii, Petri Gomecii, Didacii Gomecii, Pelagii Cota, Marie Gomecii et Urrace Gomecii, quas porciones comparaui ab eis et etiam concedo quicquid in predicto loco dederunt eidem monasterio Gundisaluus Gomez, frater meus, et domna Froyli, soror mea. Si quis contra hanc meam donationem et concessionem uenire tempauerit, teneatur supradicto monasterio absolutionem D^os solidos et regio fisco mille morabitinos exsoluat; carta nichilominus robur obtineat. Facta carta sub era Mª CCª LXXXª Iª, XV° kalendas iunii, regnante rege domno Fernando in Castella et Legione, Corduba et Toleto, in Auria episcopo domno Laurentio, tenente castellum Sancte Crucis Menendo Uelasci.
Qui presentes fuerunt: Iohannes olim abbas, Petrus Martini, Petrus Garsie, Petrus Roderici, Petrus Petri, monachi de Fenalibus et multi alii monachi. Testes donationis domne Froyle: Arias Nuni miles, Petrus Pelagii laycus, Iohannes Laurencii, Martinus Laurencii, Iohannes abbas de Fenalibus, Petrus Roderici presbiter, Santia Laurencii, Stephania Laurencii. Ego Rudericus Gomez hanc donationem et concessionem roboro et confirmo in manus domni Iohannis Petriz, prior et olim abbas ipsius monasterii de Fenalibus.
Ego Pelagius presbiter scripsi de mandato Roderici Gomecii primo positus, interfui (signum).