De Riuulo de Molendinis

[f. 132v] In nomine domini nostri Iesu Christi. Ego Maria Roderici uobis domno Gundisaluo abbati monasterii Sancte Marie de Fenalibus et uestro con|uentui [f. 133r] pro anima mea et remissione peccatorum meorum et pro amore quem de uobis accepi fatio cartam de medietate de uno casali in uilla que uocatur Riuulo de Molendinis, nominatim casale de Riu, tali pacto ut quod teneam ego ipsam hereditatem in uita mea et dem inde uobis annuatim unum puzal de uino et post mortem meam remaneat uobis ipsa hereditas cum exitibus et intratibus, in monte et in uilla, cum omnibus terminis ad ipsam pertinentibus, per ubi potueritis inuenire, uos et omnes posteri uestri possidenda. Si quis ex progenie mea uel ab extranea calumpniauerit uobis istam hereditatem, sit maledictus et excommunicatus ex parte Dei omnipotentis et Sancte Marie et hereditate inferni possideat cum Iuda, traditore Domini, et regis uoci pariat C^m aureos et carta remaneat in robore. Facta carta sub era Mª CCª LXª IXª, in Legione et Castella regnante rege domno Fernando, tenente castellum Sancte Crucis donno Petro Fernandi Manion, in Auriense episcopo Laurentio. Ego Maria Roderici hanc cartam roboro et confirmo.
Qui presentes fuerunt: Iohannes Petri de Feaes testis, Fernandus Alfonsi monachus testis, Munio Gundisalui clericus testis.
Munio Martini testis, Petrus Fernandi testis, Petrus Martini testis.
Petrus notuit (signum).