De Formarigo

[f. 133v] In Christi nomine. Notum sit omnibus presentem paginam inspecturis quod ego domnus Rodericus Pelagii una cum uxore mea domna Maria Petri uobis domno Gundisaluo abbati et conuentui monasterii Sancte Marie de Fenalibus, pro animabus nostris et pro remissione peccatorum nostrorum, facimus cartam testamenti de uno nostro casali quod habemus in Desteriz, casali nominato de Formarigo, ut in presenti in uita nostra illud recipiatis et possideatis iure hereditario uos et omnes posteri uestri usque imperpetuum, cum omnibus suis terminis modernis et antiquis. Et uos dedistis nobis unum casale in Pradaneda, in loco qui dicitur Perreli, tali uidelicet pacto ut teneamus nos istud uestrum casale in uita nostra cum totis terminis et ad obitum nostrum uos uel successores uestri recipiatis uestrum casale sine calumpnia uel contradictione nullius hominis. Et si quis uobis ex nostra parte uel ab extranea hanc cartam temptauerit corrumpere, sit maledictus et domino terre, aut cui uocem uestram pulsauerit, pectet CC^os aureos et quantum dampnum uobis inde uenerit in duplum componat. Facta carta in era Mª CCª LXª IIª, in tempore regis domni Alfonsi Legionensis, Auriensis episcopus domnus Laurentius, tenente castellum San-cte Crucis domnus Petrus Fernandi. Ego domnus Rodericus Pelaiz pariter cum uxore mea Maria Petri hanc cartam manibus nostris roboramus et confirmamus.
Qui presentes fuerunt:
Petrus Martini prior testis, domnus Menendus Diaz testis, frater Gundisaluus testis, Pelagius testis.
Iohannes testis, Fernandus testis, Martinus testis, Petrus qui notuit (signum).