De Ladrumqueira

[f. 133v] De Ladrumqueira. |

[f. 134r] In Dei nomine. Ego domna Maior Pelaiz cum filiis et filiabus meis uobis domno Gundisaluo abbati et conuentui de Fenalibus fatio cartam de hereditate mea propria quam habeo de auiorum meorum, scilicet medietatem de quanto ego habeo in loco qui dicitur Ladrumqueira. Do eam uobis in presenti pro remedio anime mee et pro remedio anime patris mei tali pacto, ut per illam hereditatem et per uineam de Mereli, quam ego feci, semper annuatim dent unam pitantiam ad conuentum de Fenalibus in die Natalis Domini usque imperpetuum. Et si aliquis homo uenerit tam de parte mea quam de extranea qui hanc cartam irrumpere uoluerit, sit maledictus et excommunicatus et cum Iuda traditore in inferno condempnatus et cui uocem uestram tenuerit pectet D^os solidos et carta maneat in suo robore. Ego domna Maior Pelaiz cum filiis meis in hac carta manus meas roboro atque confirmo et in roboratione dedistis mihi unum arietem et unam quartam de aceto. Facta carta donationis sub era Mª CCª LXª IIIª, regnante in Portugalia rege Santio II°, tenente Ualadares domno Iohanne Fernandi, in sede Tudensi episcopo Stephano, archidiacono Petro Pelaiz.
Qui uiderunt et audierunt et presentes fuerunt:
Martinus testis, Dominicus testis.
Nunus testis, Rudericus testis.
Petrus qui notuit (signum).