De Lanioso et de Quintanas

[f. 134v] In Dei nomine. Ego Maior Menendi monialis de Eluenis, per mandatum abbatipsa mea monasterii de Eluenis et conuentus eiusdem loci, fatio pactum et plazium firmissimum et ligatum uobiscum domno Gundisaluo abbati et conuentui monasterii de Feaes de uno casale meo et de alio uestro, scilicet quantum habetis in Laioso. Uos dedistis mihi quantum habetis de ipso casale de Laioso, tali pacto ut ego habeam eum in uita mea et proinde et pro anima mea do uobis et concedo aliud meum casale nominato ubi | [f. 135r] uocitant Quintanas, sub ecclesia Sancti Iacobi de Uerea. Ipsas hereditates ambas debeo ego habere in uita mea et post obitum meum ipsas hereditates ambas liberas et absolutas semper sedeant de monasterio de Fenalibus. Ex quacumque igitur hoc pactum inter nos institutum fractum fuerit, pariat parti alteri D solidos per censuram ecclesiasticam uel per regiam potestatem et carta maneat in robore. Si aliquis homo uenerit post mortem meam qui istum factum irrumpere uoluerit, duplet uobis ipsam hereditatem et domino terre, uel cui uocem uestram tenuerit, pectet D^os solidos. Facta carta sub era Mª CCª LXª IIIª, regnante in Legione rege domno Alfonso, episcopo in Auria domno Laurentio, in sede Tudensi episcopo Stephano, tenente Limiam domno Martino Sancii. Ego Maior Menendi hanc cartam roboro et confirmo.
Qui presentes fuerunt:
Petrus testis, Pelagius testis.
Iohannes testis, Martinus testis.
(Signum).