De Ferrariis

[f. 135v] In Dei nomine. Ego Fernandus Martini et uxor mea Urraca Menendi damus in presenti et concedimus monasterio de Feaes pro animabus nostris imperpetuum habendam hereditatem quam habemus et habere debemus, cultam et incultam, cum omnibus directuris | [f. 136r] et pertinenciis et domibus suis in uilla que dicitur Ferrarios, exceptis inde duabus leiris, unam que iacet in Baldemir quam mando filiis et filiabus meis, tali conditione quod teneant in uita sua ipsi et filiis et filiabus eorum tantum in uita sua et post mortem ipsorum remaneat libera sine diminutione in pace supradicto monasterio. Aliam leiram que uocitant de Agra mando ecclesie Sancti Cipriani, tali pacto ut si aliquis de meis propinquis uoluerit eam laborare et dare ex omni fructu ecclesie Sancti Cipriani terciam partem, laboret eam. Si quis contra hanc nostram spontaneam et uoluntariam donationem uenire presumpserit, habeat nostram maledictionem et quantum calumpniauerit duplo componat supradicto monasterio et pro temerario ausu pectet C^m morabitinos cui monasterium uocem dederit aut ipsi monasterio et donatio nostra firma et concussa remaneat. Facta donatione apud uillam de Ferrariis, era Mª CCª LXXXª IIIIª, mense ianuarii, regnante rege domno Fernando in Legione, Castella et Corduba, tenente castellum Sancte Crucis Menendo Uelasci, episcopo in Tuda domno Luca. Ego Fernandus Martini primo positus et uxor mea Urraca Menendi in hanc cartam, quam fieri mandauimus, propria manus roboramus et pro robore accepimus XII denarios.
Qui presentes fuerunt testes:
Gundisaluus Pelagii prior testis, domnus Ordonius Garsie cantor testis, frater Laurentius conuersus de Feaes testis, Fernandus Gundisalui de Predeeda testis.
Arias Munionis testis, Iohannes Iohannis testis, Gundisaluus Iohannis Rauax testis, F. Abela testis.
Ego Martinus Pelagii rogatus interfui et scripsi de mandato supradicti hominis et mulieris eius et sum testis (signum).