De Deua

[f. 136v] In Dei nomine. Notum sit omnibus hominibus presentem paginam inspecturis quod ego Pelagius Suerii uendo tibi Suerio Gomecii et uxori tue Marine Roderici totam meam hereditatem quam habeo in uilla que dicitur Deua, quam hereditatem emi de Fernando Fernandi et de Suerio Fernandi ac de Roderico Fernandi, scilicet | [f. 137r] unum casale in quo solebat morare Palayoth, cum suis pertinenciis in montibus et in fontibus, intratibus et exitibus. Hanc nominatam hereditatem uendo tibi pro precio et pro bono seruicio quod mihi fecisti et pro Lª aureos quos pectasti pro me domno Iohanni Fernandi Batissele. Et si aliquis homo ex parte mea uel de extranea qui hunc factum meum irrumpere temptauerit, pectet uobis ipsam hereditatem duplatam uel triplatam et regie uoci D solidos exsoluat et hec carta maneat in robore semper. Facta carta uenditionis sub era Mª CCª XLª VIIª, regnante in Legione domno Alfonso, episcopo in Auria domno Alfonso. Ego domna Eluira Uelasci concedo hanc donationem et uenditionem et pro robora recepi unam quartam de uino. Ego Rudericus Pelaiz concedo hanc uenditionem et donationem et pro robora recepi unam camisiam. Ego Santius Pelaiz concedo istam donationem et uenditionem et accepi pro robora unos mantees. Ego Maria Pelaiz concedo istam donationem et uenditionem et recepi pro robora unam toucam. Ego Arias Pelaiz concedo hanc donationem et uenditionem pro robora recepi unam camisiam. Ego Gundisaluus Pelagii concedo istam donationem et uenditionem et recepi pro robora unam camisiam. Ego Urraca Pelaiz et ego domna Maior Pelaiz concedimus istam donationem et uenditionem et recepimus pro robora singulas quartas de uino. Omnes nos iam dicti in hanc cartam manus nostras roboramus.
Qui presentes fuerunt:
Petrus testis, Suerius testis.
Martinus testis, Alfonsus qui notuit et est testis (signum).