De Deua

Cartulário:

  • Fiães
Nº Documento: 
383
Fólio: 
138v-139r
Data do documento
Ano: 
1208
Documento original
Original: 
Não

Outorgante:

  • Particular

[f. 138v] In Dei nomine. Notum sit omnibus hominibus presentem paginam inspecturis, hec carta uenditionis et firmiditudinis, quod ego domnus Pelagius Sugerii una pariter cum uxore mea et cum filiis et filiabus meis uendimus tibi Sugerio Gomecii et uxori tue Marine Roderici totam hereditatem quam habemus in uilla que dicitur Deua, quam hereditatem comparaui de Fernando Fernandi et de Sugerio Fernandi et de Ruderico Fernandi, scilicet unum casale in quo solebat morare Palayot, quod uocatur Aldunza, cum omnibus suis pertinenciis, egressibus et ingressibus, in montibus et in fontibus. Uendimus tibi ipsam hereditatem pro precio et pro bono seruicio quod semper nobis fecisti et pro Lª moroabitinos quos pectasti pro domno Pelagio unde fuisti fideiussor domno Iohanni Fernandi Batissele. Et si aliquis homo uenerit ex parte nostra uel de extranea qui hanc uenditionem nostram rumpere temptauerit, | [f. 139r] pectet uobis ipsam hereditatem duplatam uel triplatam; insuper aponimu ibi penam, ut per dominum terre cui uocem uestram dederitis persoluere CCos aureos et hec carta uenditionis maneat semper in suo robore. Facta carta sub era Mª CCª XLª VIª, regnate rege Alfonso in Legione, episcopo in Auria domno Alfonso. Ego domna Eluira Uelasci concedo hanc uenditionem et donationem et pro robora recepi unam quartam de uino. Ego Suerius Pelagii concedo hanc uenditionem et donationem et pro robora accepi unam camisiam. Ego Rudericus Pelagii concedo istam uenditionem et donationem et recepi pro robora unos mantees. Ego M. Pait concedo istam uenditionem et donationem et pro robora Iª touca. Ego Arias Pelaiz concedo hanc uenditionem et donationem et pro robora unam camisiam. Ego Gundisaluus Pelaiz concedo istam uenditionem et donationem et pro robora unam camisiam. Ego Urraca Pelaiz et ego domna Maior Pelaiz concedimus istam uenditionem et donationem et pro robora singulas quartas de uino. Nos iam dicti in hanc cartam manus nostras roboramus.
Qui presentes fuerunt: Petrus testis, Sugerius testis.
Martinus testis, Alfonsus qui notuit (signum)

Bibliografia: 

Ed.: TF, p. 243 n. 400.