De Deua

[f. 139r] In Dei nomine. Notum sit omnibus hominibus presentem paginam inspecturis quod ego Marina Roderici et fili mei, scilicet Fernandus Suerii et Maior Suerii et Marina Suerii et alia Marina Suerii et Tarasia Suerii et maritus eius Gomecius Petri, et fili et filie Marie Suerii uobis abbati Iohanni (a) et conuentui de Fenalibus facimus cartam uenditionis et firmitudinis quam iussimus facere de uno casali quod comparauimus de domno Pelagio Suerii et de uxore sua domna Eluira Uelasci. Et domnus Pelagius comparauit illud de Fernando Fernandi et de Suerio Fernandi et de Ruderico Fernandi. Uendimus uobis ipsum casale quod dicitur Aldunza, in uilla que uocant Deua, ubi solebat morare Palaoth, cum totis suis terminis et egressibus et regressibus, in montibus et in fontibus, ubicumque uocem ipsius casalis potueritis melius inuenire. Et dedimus uobis illud pro D^os soldos Legionenses et in roboratione VIIIº soldos, quod tantum nobis et uobis bene complacuit et de precio | [f. 139v] nichil remansit in debito pro dare, et habeatis uos et omnis posteritas uestra iure hereditario imperpetuum ipsam hereditatem. Insuper nos iam supradicti, qui istam uenditionem (b) iussimus facere, unusquisque per se semper super omnia bona sua semper debemus amparare uel defendere iam dictum monasteriumn cum supradicta hereditate et insuper aponimus ibi penam quod quicumque hanc uenditionem nostram irrumpere uoluerit, iram Dei omnipotentias habeat et conpellatur per dominum terre persoluere uoci uestre CC aureos, manente uenditione in suo robore. Si aliquis homo uenerit tam de nostra parte quam de extranea qui hanc uenditionem nostram tempatre uoluerit, pariat uobis ipsam hereditate duplatam et penam supradicta. Facta carta uenditionis mense decenbris, sub era Mª CCª LXXª VIIª et quotum VIIº kalendas ianuarii, regnante in Legione domno Fernando, in Auria episcopo domno Laurentio, tenente castellum Sancte Crucis Menendo Uelasci. Nos qui istam cartam iussimus facere manus nostras roboramus.
Qui presentes fuerunt: prior de Feaes domnus Dominicus, Petrus Martini testis, Petrus Midiz canonici de Longuouares testis, Suerius Petri miles testis, Iohannes Iohannis testis, Petrus Fernandi clericus de burgo Ripe Auie testis.
Martinus Alfonsi qui notuit.