De Abeleira

[f. 140v] In Dei nomine. Ego Suerius Gomez, frater de Palmela, una cum uxore mea Marina Roderici damus in presenti atque concedimus pro remedio animarum nostrarum monasterio Sancte Marie de Fenalibus nostras uineas quas habemus in loco qui dicitur Abeleira de conparatione ex parte domni Pelagii Suerii, nominatas unam quam tenet Iohannes Pelagii de Deua, alteram quam tenet Menendus Fernandi et aliam quam tenet Pelagius Carneirus, alteram quam tenet Pelagius Petri, aliam quam tenet Menendus Fernandi supradictus et alteram quam tenet Petrus Menendi. Ego Suerius Gomez una cum uxore mea iam dicta do et concedo meam procionem de istis uineis monasterio Sancte Marie iam dicto pro anima mea et pro anima mee mulieris et pro remissione peccatorum nostrorum, ut habeat semper in secula seculorum. Si quis tamen uenerit tam ex parte nostra quam de aliena qui hoc factum nostrum frangere uoluerit, sit maledictus et ecommunicatus et cum Iuda traditore in inferno dampnatus et duplet uobis hereditatem et domino terre, aut cui uocem uestram dederitis, pectet D solidos et semper carta maneat in suo robore. Facta carta donationis sub era Mª CCª LXª VIª, regnante rege domno Alfonso in Legione, in Auria episcopo domno Laurentio, tenente castellum Sancte Crucis domno Martino Sancii.
Qui presentes fuerunt:
Petrus testis, Iohannes testis, Andreas testis.
Suerius testis, Pelagius testis, Martinus testis.
Laurentius qui notuit (signum).
Istum fuit factum coram conuentu de Fenalibus.