De Ferreiros

[f. 140v] In Dei nomine. Ego Martinus Alfonsi uobis Ermigio Menendi et uxori uestre Santie Muniz, pro precio quod de uobis accepi, fatio cartam uenditionis et firmitatis pro precio et robore XXXª VIª (a) solidos. Uendo uobis et concedo hereditatem meam quam habeo (b) in uilla que dicitur Ferreiros et in Uilar, quam comparauit pater meus de Maria Roderici, quantum ibi habeo, ut habeatis et possideatis uos et omnis uox uestra uel cui uolueritis eam dare. Et si quis ex parte mea uel ex extranea contradixerit uobis uel calumpniauerit istam herditatem uel uenditionem, sit maledictus et excommunicatus | [f. 141r] et cum Iuda traditore in inferno condempnatus et cui uocem uestram dederitis pectet D solidos et carta maneat in suo robore. Regnante in Legione et Castella rege domno Fernando, tenente castellum Sancte Crucis Petrus Manion, Tudensi episcopo Stephano, archidiaco Petro Pelaiz. Facta carta uenditionis sub era Mª CCª LXª VIIIª. Ego Martinus Alfonsi, qui hanc cartam iussi facere, propriis manibus roboro.
Qui presentes fuerunt: Menendus Gundisalui testis, domnus Egeas testis.
domnus Thomas testis, Alfonsus Martini testis.
Petrus qui notuit (signum).