De Cambela

[f. 141r] In Christi nomine. Ego Pelagius Fernandi miles uobis domno Gundisaluo abbati et conuentui monasterii de Fenalibus pro uno bono caballo quem mihi dedistis in precio DC^orum solidorum fatio cartam uenditionis et firmationis de uno meo casali quod habeo ex parte auiorum meorum in uilla que dicitur Canbela, cum casis, aquis, pratis, cum terrenis cultis et incultis, cum omnibus suis terminis modernis | [f. 141v] et antiquis, ut habeatis et possideatis uos et omnes successores uestri iure perpetuo. Et si quis uobis calumpniauerit istam hereditatem, sit maledictus et domino terre pariat ducentos aureos et conponat uobis ipsam hereditatem duplatam uel triplatam. Facta carta sub era Mª CCª LXª IIIIª, regnante in Legione et Gallecie rege domno Alfonso, in sede Auriensi episcopo domno Laurentio, tenente terram de Caldelas domno Ruderico Fernandi. Ego Pelagius Fernandi hanc cartam roboro et confirmo.
Qui uiderunt, audierunt et presentes fuerunt: Petrus Petri monacus de Feaes testis, Fernandus Fernandi miles testis, Fernandus Menendi armiger testis.
Petrus Belu testis, Iohannes Menendi testis, et alii multi qui uiderunt et audierunt.
Petrus qui notuit (signum).