De Togosa

[f. 141v] In nomine domini nostri Iesu Christi. Amen. Ego Pelagius Fernandi pro anima mea et pro anima fratis mei Fernandi Fernandi uobis domno Gundisaluo abbati et conuentui monasterii Sancte Marie de Feaes mando et concedo terciam partem unius casalis in uilla que uocatur Togosa, que hereditas fuit de Martino Iohannis et hereditauit in ea suus criadus, fratrem meum Fernandum Fernandi. Item mando predicto monasterio quantum habemus ego et frater meus Fernandus Fernandi in aliis duobus casalibus et hoc fatio pro anima mea et fratris mei supradicti et pro ducentis quinquaginta solidis, pro quibus ego mitti in pignore uestrum casale de Canbela Petro Carro militi pro uno caballo. Habeatis et possideatis uos et omnes succesores uestri, qui in ipso monasterio Deo seruierint, ipsam hereditatem iure perpetuo cum totis suis terminis modernis et antiquis sine ulla calumpnia. Et si aliquis homo uobis calumpniauerit istam hereditatem, sit maledictus et separatus a consorcio Sanctorum et duplet uobis hereditatem et domino terre, aut cui uocem uestram tenuerit, C aureos exsoluat et carta maneat in suo robore. Facta carta sub era Mª CCª LXª VIª, in tempore regis domni Alfonsi Legionis, tenente castellum Sancte Crucis Petrus Fernandi Manion, Auriensis episcopus domnus Laurentius. Ego Pelagius Fernandi, qui hanc cartam fieri manda|ui, [f. 142r] in concilio coram bonis hominibus manus meas roboro.
Qui uiderunt et audierunt et presentes fuerunt:
Iohannes prior de Feaes testis, Petrus Arteiru monacus de Monte de Ramu testis.
Ferdinandus Menendi armiger testis, Peiris armiger et testis, alii multi qui uiderunt et audierunt.
Petrus qui notuit (signum).