Professio obedientie Fernandi Visensis episcopi tempore domni Stefani archiepiscopi Bracarensis

Ego, Fernandus, sancte Visensis ecclesie uocatus episcopus, promitto in conspectu omnipotentis Dei atque tocius ecclesie me ab hodierna die et deinceps sancte matri ecclesie Bracarensi, sub manu Stephani, eiusdem ecclesie archiepiscopi, dignam subiectionem, more predecessorum meorum in sancta Visensi ecclesia ex antiquo usque nunc presidentium, in omnibus obtemperaturum sicuti ecclesiastica et regularis constitutio et pontificum Romanorum inuiolabilis commendat auctoritas.