Professio quam fecit Iohannes Minduniensis episcopus ecclesie Bracarensi

Ego, Iohannes, sancte Minduniensis ecclesie uocatus episcopus, promito in conspectu omnipotentis Dei atque tocius ecclesie me ab hodierna die et deinceps sancte matri ecclesie Bracarensi, sub manu Iohannis, eiusdem ecclesie archiepiscopi, dignam subiectionem, more predecessorum meorum in sancta ecclesia Minduniensi ex antiquo usque nunc presidentium, in omnibus obtemperaturum sicuti ecclesiastica et regularis constitutio et pontificum Romanorum inuiolabilis comendat auctoritas.